U Mazyry hareŭ teatr imia Mieleža — videa

Ahniom źniščana kala 800 kv.m dachu.

16 lutaha ŭ druhoj pałovie dnia zahareŭsia Mazyrski dziaržaŭny dramatyčny teatr imia I.Mieleža, paviedamlaje BIEŁTA sa spasyłkaj na pres-słužbu Homielskaha abłasnoha ŭpraŭleńnia MNS.

Da momantu prybyćcia ratavalnikaŭ połymia achapiła dach budynka. Na dadzieny momant ačah uzharańnia łakalizavany i likvidavany.

Pavodle papiaredniaj infarmacyi, u vyniku pažaru ahniom źniščana kala 800 kv.m dachu. Častkova paškodžany druhi pavierch budynka, dzie znachodzilisia hurtki.

Viadoma, što budynak teatra, pabudavany ŭ 30-ch hadach XX st., častkova znachodziŭsia na rekanstrukcyi.

U subotu, a 19-j u teatry musili pakazvać «Trahiedyju prynca Dackaha» pavodle «Hamleta» Šekśpira.

Kamientary da artykuła