Kalinoŭski viešaje Muraŭjova. Vyjšła nastolnaja hulnia «Paŭstancy»

«Paŭstancy» — pieršaja biełaruskaja nastolnaja hulnia, u jakoj vy možacie pahłybicca ŭ atmaśfieru 1863 hoda i zrabicca znakamitaj histaryčnaj asobaj (Kalinoŭskim, Urubleŭskim, Muraŭjovym i inš.) albo prostym biełarusam i ŭpłyvać na chod paŭstańnia.

Hulnia pabudavanaja najpierš na znosinach pamiž ludźmi, abmierkavańni i vykazvańni svajoj pazicyi. Padmanvać, chłusić, pa-majstersku błytać prysutnych i biaźlitasna zabivać supiernika — prava kožnaha ŭdzielnika. Hulnia-madelavańnie paŭstańnia 1863 hoda zroblenaja całkam na biełaruskaj movie, udzieł mohuć brać ad 6 da 20 čałaviek.

Inicyjatyva stvareńnia hulni naležyć maładomu haradziencu Antonu Jankoŭskamu i dyzajniercy Nastaśsi Łukaškovaj.

Prezientacyja hulni adbudziecca:

28 lutaha ŭ Harodni ŭ 18.00 u mastackaj halerei «Kryha»;

2 sakavika ŭ Minsku ŭ 18.00 u kniharni «ŁohvinaŬ».

Na prezientacyjach vas čakaje padrabiazny apovied pra ctvareńnie hulni, mahčymaść upieršyniu pahulać i nabyć jaje dla ŭłasnaha karystańnia, a na staličnaj imprezie — jašče i karysnyja pryzy-siurpryzy ad hramadskaj kampanii «Budźma biełarusami!».

Stvaralniki zaprašajuć dałučycca da aficyjnaj supołki hulni ŭkantakcie.

Kamientary da artykuła