Pasolstva Litvy budzie vydavać vizy tolki pa papiarednim zapisie
Z 1 žniŭnia konsulski adździeł pasolstva Litvy ŭ Biełarusi budzie vydavać vizy tolki pa papiarednim zapisie.
Z 1 žniŭnia konsulski adździeł pasolstva Litvy ŭ Biełarusi budzie vydavać vizy tolki pa papiarednim zapisie.
Nahadajem, z 28 maja pa 1 lipienia hetaha hoda litoŭskaje pasolstva pravodziła ekśpierymient pa zapisie na atrymańnie litoŭskaj vizy pa telefonie. Heta pryviało da pavieličeńnia čarhi tych, chto žadaje atrymać vizu ŭ Litvu biez pasrednictva turfirm. Aprača taho, pasolstva atrymała mnostva narakańniaŭ z boku tych, chto prosta nie zmoh datelefanavacca.
Jak paviedamlaje dypmisija, z 1 žniŭnia zapis na atrymańnie vizy pravodzicca ŭ žurnale papiaredniaj rehistracyi pa paniadziełkach‑čaćviarhach z 10.00 da 13.00. Dla zapisu pry sabie nieabchodna mieć pašpart. Tałony papiaredniaj rehistracyi vydajucca tolki pa zamiežnych pašpartach asabista hramadzianam i dla členaŭ siamji z adnolkavym proźviščam (dla členaŭ siamji z roznymi proźviščami dadatkova patrabujucca dakumienty, jakija paćviardžajuć svajactva). Pasolstva nahadvaje, što zapisy, praviedzienyja pa‑za terytoryjaj pasolstva, źjaŭlajucca niesapraŭdnymi.
Tyja, chto žadaje vyjechać u Litvu, taksama mohuć skarystacca pasłuhami turystyčnych firm, śpis jakich možna znajści na sajcie http://by.mfa.lt abo na infarmacyjnym stendzie pasolstva. Pry dypmisii akredytavanyja 40 turystyčnych firm, praź jakija možna aformić vizy dla pajezdki ŭ Litvu. Paradak papiaredniaha zapisu dla arhanizacyj, pradpryjemstvaŭ, turystyčnych firm, spartsmienaŭ i mastackich kalektyvaŭ zastajecca raniejšym.
Pasolstva vykazvaje spadziavańnie, što z uvodam u ekspłuatacyju prybudovy da konsulskaha adździeła, budaŭnictva jakoj płanujecca zakončyć u kancy žniŭnia 2007 hoda, vydača viz budzie bolš zručnaj dla kožnaha, chto žadaje vyjechać u Litvu.