Ułady Vieniesueły: Čavies znoŭ prachodzić chimijaterapiju
Prezident Vieniesueły Uha Čavies prachodzić kurs chimijaterapii ŭ vajennym špitali Karakasa paśla lačeńnia ad raka na Kubie, paviedamiŭ vieniesuelski vice-prezident Nikałas Madura.
Jon zajaviŭ pra heta paśla imšy, jakuju adsłužyli za zdaroŭje prezidenta ŭ kaplicy špitala.
U čaćvier Nikałas Madura, vystupajučy pa nacyjanalnym telebačańni, skazaŭ, što Uha Čavies “zmahajecca za žyćcio”.
Upieršyniu ab tym, što Čavies lečycca ad raku, było abvieščana ŭ červieni 2011 hoda. Adnak padrabiaznaści ab chodzie chvaroby i tym, jak prachodzić lačeńnie, tak i nie byli abvieščanyja.
Uha Čavies nie źjaŭlaŭsia na publicy sa śniežnia minułaha hoda, kali jon jeździŭ na Kubu dla praviadzieńnia čaćviortaj apieracyi.
Miarkujecca, što ŭ Čaviesa, jaki kiruje Vieniesuełaj ŭžo 14 hadoŭ, rak prastaty.
Paśla čaćviortaj apieracyi ŭ vieniesuelskaha lidera dyjahnastavali infiekcyju dychalnych šlachoŭ.