U Hrodnie ŭ byłym daminikanskim klaštary zamiest akna zrabili dźviery — fota
Tavarystva achovy pomnikaŭ źviarnułasia ŭ prakuraturu.
Minskaje tavarystva achovy pomnikaŭ historyi i kultury źviarnułasia ŭ hrodzienskuju prakuraturu, kab vyśvietlić, chto dazvoliŭ zrabić dźviery zamiest akna ŭ budynku byłoha daminikanskaha klaštara na vulicy Savieckaj, 6. Pra heta piša hazieta «Viačerni Hrodna».
Jak rastłumačyŭ staršynia HA «Biełaruskaje dobraachvotnaje tavarystva achovy pomnikaŭ historyi i kultury» Anton Astapovič, niadaŭna na fasadzie zamiest aŭtentyčnaha akonnaha prajoma źjaviłasia dźviery. U vyniku byŭ źmienieny źniešni vyhlad budynka, jaki achoŭvajecca dziaržavaj. Mienavita heta i prymusiła pradstaŭnikoŭ hramadstva źviarnucca ŭ Hienieralnuju prakuraturu.
«Nie naša sprava raźbiracca, što stała pryčynaj źmieny źniešniaha vyhladu budynka, —adznačaje Anton Astapovič. — My ličym, što raboty vykanany z parušeńniem zakanadaŭstva».
Tamu ŭ liście prosiać skłaści pratakoł ab administracyjnych parušeńniach, pryznać pracy niezakonnymi i prymusić zakazčyka adnavić akonny prajom, jaki źjaŭlajecca aŭtentyčnym elemientam fasada histaryčnaha budynka.
Jak nam udałosia daviedacca, va ŭpraŭleńni architektury i horadabudaŭnictva Hrodzienskaha harvykankama vydavaŭsia dazvoł na praviadzieńnie budaŭničych rabot na Savieckaj, 6. Dla hetaha była atrymana zhoda Ministerstva kultury.
Pa słovach Antona Astapoviča, hrodzienski vypadak nie źjaŭlajecca ŭnikalnym. Miascovyja ŭłady, a taksama supracoŭniki Ministerstva kultury davoli časta vydajuć dazvoły na praviadzieńnie rabot u histaryčnych budynkach, jakija nanosiać škodu budynkam i źmianiajuć ich źniešni vyhlad. Byvaje, što takija raboty ŭzhadniajucca navat miascovymi orhanami ŭłady, što źjaŭlajecca pieravyšeńniem paŭnamoctvaŭ. Asabliva zaŭvažna heta ŭ Minsku, Breście, Pinsku. Hrodna ŭ hetym płanie pašancavała bolš. Pa-pieršaje, siudy jašče pakul nie pryjšoŭ taki abjom inviestycyj, jak u stalicu. Pa-druhoje, u Hrodnie isnuje davoli mocnaja architekturnaja škoła, pracujuć kvalifikavanyja historyki, architektary.
U temu
Były daminikanski manastyr pa vuł. Savieckaj, 6,8 u Hrodnie źjaŭlajecca cełasnaj historyka-kulturnaj kaštoŭnaściu 2-j katehoryi, jakaja ŭniesiena ŭ Dziaržaŭny śpis historyka-kulturnych kaštoŭnaściaŭ RB pad šyfram 412H000025.
Daviedka «VH»
Kali ŭłaśnik robić padobnyja pracy biez adpaviednaha dazvołu, značyć, jon parušyŭ art. 27, punkty 1 i 4 st. 28 Zakona RB «Ab achovie historyka-kulturnaj spadčyny RB». Kali ž hetyja raboty vykanany z dazvołu Ministerstva kultury, to supracoŭnikami dadzienaha ministerstva parušanyja art. 33, punkty 2, 3, 5 st. 43 vyšejnazvanaha zakona.