U padmaskoŭnym horadzie Čechavie zabili biełarusa
Jaho čatyry razy ŭdaryŭ nažom sabutelnik.
Žorstkaje zabojstva hramadzianina Biełarusi było ździejśniena ŭ centry Čechava ranicaj 4 sakavika.
Hastarbajter ź Biełarusi pamior u mašynie "chutkaj" paśla taho, jak jaho čatyry razy ŭdaryŭ nažom sabutelnik.
Jak raspaviali supracoŭniki śledčych orhanaŭ, kanflikt adbyŭsia ŭ piacipaviarchoŭcy na vulicy Čechava ranicaj 4 sakavika. Adnu z kvater u domie zdymali siamiora pryjezdžych ź Biełarusi i Rasii, usie jany pracavali na budoŭlach Čechava.
Kampanija padabrałasia vielmi niespakojnaja, mužčyny časta vypivali i svarylisia. Čarhovaja takaja papojka z vyśviatleńniem adnosin pryviała da fatalnych nastupstvaŭ. Hramadzianinu
Biełarusi, jakomu susiedzi pa kvatery pastajanna rabili zaŭvahi za nieachajnaść i schilnaść da kradziažoŭ, adzin ź ich nanios 4 nažavyja ranieńni.Paciarpiełamu vyklikali "chutkuju", adnak vyratavać jaho tak i nie atrymałasia.
Padazravany ŭ zabojstvie ciapier znachodzicca ŭ rajonnaj balnicy - jaho mocna źbili šakavanyja usiedzi pa zdymnaj kvatery.
Pa fakcie zabojstva zaviedzienaja kryminalnaja sprava, viadziecca śledstva.