Paciarpieły ad vybuchu katedža na Cniancy idzie na papraŭku
U žniŭni małady čałaviek płanuje ažanicca.
Maładoha čałavieka, jaki paciarpieŭ u vyniku vybuchu katedža na bierazie Cnianki 17 studzienia, pieraviali ŭ zvyčajnuju pałatu. Pra heta karespandentu «NN» raskazaŭ haspadar budynka Uładzimir Skrabatovič. «U žniŭni jon płanuje ažanicca, to daktary kažuć, što da viasiella ŭsio zažyvie U asnoŭnym u jaho paciarpieli kiści ruk, spatrebicca nievialikaja pierasadka skury. Ale hałoŭnaje, što jon nie atrymaŭ baratraŭmy. Vočy, vušy i ŭnutranyja orhany ceły».
11 sakavika prajšło čarhovaje sudovaje pasiedžańnie pavodle zajavy Skrabatoviča. Jon prasiŭ sud abaviazać zabudoŭščyka pieradać jamu ŭ ekspłuatacyju katedž, kab jon moh samastojna pravieści kamunikacyi, a taksama vypłacić jamu pieniu za pramarudžańnie terminaŭ vykanańnia pracaŭ. Pakolki hałoŭnaha pradmieta sprečki bolš niama, sud hetuju častku pretenzij Skrabatoviča adchiliŭ da poŭnaha vyśviatleńnia akaličnaściaŭ zdareńnia. Razam z tym, sud abaviazaŭ zabudoŭščyka vypłacić haspadaru katedža pieniu.