U druhim kvartale Rasija pastavić u Biełaruś 5,75 młn ton nafty
Biełaruś i Rasija ŭzhadnili abjom pastavak nafty na druhi kvartał u pamiery 5,75 młn ton.
Damoŭlenaść ab hetym była dasiahnuta viečaram 12 sakavika padčas pieramoŭ u Maskvie pieršaha
«Damoŭlenaść ab pastaŭkach nafty zamacavanaja ŭ pratakole pa vynikach dvuchdzionnych pieramoŭ.Abjom pastavak vyznačaŭsia z ulikam čakanaha biełaruskim bokam hadavoha abjomu 23 młn ton», — zaznačyła Samihulina.
Biełaruś zacikaŭlena ŭ imparcie 23 młn ton nafty, u toj čas jak Rasija zajaŭlaje pra hatoŭnaść pastavić 18,5 młn ton.Pieramovy ab umovach pastaŭki rasijskaj nafty ŭ Biełaruś viaducca z kastryčnika 2012 hoda.
U kancy śniežnia 2012 hoda Rasija i Biełaruś uzhadnili abjom pastavak rasijskaj nafty ŭ pieršym kvartale 2013 hoda na ŭzroŭni 5,75 młn ton.
Raniej rasijski bok zajaŭlaŭ, što abjomy pastavak abmiarkoŭvajucca va ŭviazcy z vyrašeńniem prablemy ekspartu biełaruskim bokam rastvaralnikaŭ. U Maskvie vykazvali zaniepakojenaść tym, što Biełaruś mahła ekspartavać naftapradukty pad vyhladam razbavicielaŭ i rastvaralnikaŭ, kab uchilicca ad upłaty ekspartnych pošlin u biudžet RF. Łukašenka, sa svajho boku, zajaŭlaŭ, što pytańnie ekspartu rastvaralnikaŭ nie pieraškadžaje padpisańniu naftavaha bałansu z RF na 2013 hod.
Varta zaznačyć, što sustreča Siamaški i Dvarkoviča adbyłasia za niekalki dzion da pieramoŭ prezidentaŭ Uładzimira Pucina i Alaksandra Łukašenki padčas pasiadžeńnia Vyšejšaha dziaržsavieta Sajuznaj dziaržavy Biełarusi i Rasii, jakoje projdzie 15 sakavika ŭ