Maci Uładzisłava Kavalova budzie damahacca vydačy jaho cieła
Maci pakaranaha śmierciu za saŭdzieł u teraryźmie Uładzisłava Kavalova i pravaabaroncy pačynajuć sieryju dziejańniaŭ z metaj damahčysia ad uład infarmacyi pra miesca jaho pachavańnia i vydačy cieła.Pra heta było zajaŭlena 13 sakavika ŭ Minsku na
Apošniaje spatkańnie Lubovi Kavalovaj z asudžanym na pakarańnie śmierciu synam adbyłasia ŭ śledčym izalatary (SIZA) KDB 11 sakavika 2012 hoda. Maci pakaranaha i pravaabaroncy ličać, što Uładzisłaŭ byŭ pakarany ŭ pieryjad z 12 pa 15 sakavika. Dakładnaj infarmacyi pa hetym pytańni niama.
Na
pres-kanfierencyi Luboŭ Kavalova padpisała zajavy na adras departamienta vykanańnia pakarańniaŭ MUS, KDB i staršyni Viarchoŭnaha suda z prośbaj paviedamić, jaki orhan vykanaŭ śmiarotny prysud u dačynieńni da jaje syna.
Jak vykazaŭ mierkavańnie pravaabaronca Raman Kiślak, heta moža być abo śledčy izalatar № 1 MUS, dzie zvyčajna ŭtrymlivajucca «śmiarotniki», abo SIZA KDB, u jakim znachodziŭsia Kavaloŭ. «Ustanaŭleńnie orhana, jaki pryvioŭ u vykanańnie prysud, nieabchodnaje, kab razumieć, jak dziejničać dalej, ad kaho damahacca adkazaŭ», — skazaŭ Kiślak.
Nastupnym dziejańniem, pavodle jaho słoŭ, stanie patrabavańnie ab raskryćci miesca pachavańnia Kavalova.
Adkazvajučy na pytańnie, jakimi zakanadaŭčymi aktami majuć namier kiravacca pravaabaroncy, kab damahčysia vydačy cieła, kali heta nie praduhledžana biełaruskim zakanadaŭstvam, Kiślak spasłaŭsia na rašeńnie kamiteta pa pravach čałavieka AAN pa spravie Kavalova. U im, sa spasyłkaj na mižnarodnyja normy, adznačajecca: utojvańnie padobnaj infarmacyi ad svajakoŭ pakaranych źjaŭlajecca «niečałaviečym abychodžańniem».
Kiślak taksama zajaviŭ, što pravaabaroncy majuć namier damahacca vyklučeńnia z zakanadaŭstva Biełarusi normy, pavodle jakoj cieła pakaranaha śmierciu nie vydajecca svajakam.
Jak paviedamiła žurnalistam Luboŭ Kavalova, jana atrymała adkaz na nahladnuju skarhu ź Viarchoŭnaha suda, jakuju advakat Stanisłaŭ Abraziej padavaŭ jašče ŭ vieraśni 2012 hoda. Adkaz za podpisam staršyni Viarchoŭnaha suda Valancina Sukały niadaŭna znojdzieny ŭ jurydyčnaj kansultacyi № 2 Leninskaha rajona Minska, u jakoj pracuje Abraziej. Vyśvietliłasia, što jon byŭ składzieny jašče ŭ listapadzie 2012 hoda.
«Viarchoŭny sud u asobie Sukały nie znajšoŭ nijakich parušeńniaŭ norm
Pravaabaronca Pavieł Levinaŭ dadaŭ: kali nahladnaja skarha była składzienaja na 23 staronkach, to adkaz zaniaŭ mienš jak 12 staronak. «Heta čarhovy plavok na adras hramadzianskaj supolnaści», — padkreśliŭ Levinaŭ.
Što da siamji druhoha pakaranaha pa spravie ab teraryźmie, Dźmitryja Kanavałava, to, pavodle słoŭ Levinava, janapa-raniejšamu paźbiahajejakich-niebudź kantaktaŭ.
Jak adznačyŭ viciebski pravaabaronca, adrazu paśla teraktu ŭ minskim mietro, a taksama padčas suda i niekatory čas paśla jaho siamja Kanavałava znachodziłasia pad achovaj, i vyjści na kantakt ź imi było praktyčna niemahčyma. «Možna mierkavać, na siamju byŭ akazany vielizarny nacisk. Ciapier achova źniataja, ale siamja ni na jakija kantakty ni z žurnalistami, ni z pravaabaroncami, ni navat Luboŭju Kavalovaj, jakaja žyvie ŭ susiednim domie, nie idzie. Jany starajucca, navat kali bačać jaje, pierajści na inšy bok, kab raptam nie adbyłasia niejkaja hutarka. Ja viedaju, što adnojčy Luboŭ Kavalova pierahavaryła z mamaj Dzimy Kanavałava, i taja paabiacała pahavaryć, ale skazała, što pavinna paraicca z mužam. Ale paśla hetaj parady ŭsio znoŭ było abharodžana žaleznaj zasłonaj», — raskazaŭ Levinaŭ.
Nahadajem, u vyniku vybuchu na stancyi mietro «Kastryčnickaja» ŭ Minsku 11 krasavika 2011 hoda zahinuli 15 čałaviek, 315 — paciarpieli. Va ŭčynieńni teraktu byŭ abvinavačany Dźmitryj Kanavałaŭ, Uładzisłava Kavalova pryznali jaho saŭdzielnikam. Abodva byli žycharami Viciebska. 30 listapada 2011 hoda Viarchoŭny sud pryhavaryŭ maładych ludziej da vyšejšaj miery pakarańnia. Kanavałaŭ pryznaŭ svaju vinu ŭ sudzie i pa pamiłavańnie da prezidenta nie źviartaŭsia, Kavaloŭ takoje prašeńnie padaŭ.
14 sakavika 2012 hoda stała viadoma, što ŭ pamiłavańni Kavalovu i Kanavałavu admoŭlena.