Madura: Ideju zabalzamavać Čavesa padali lidary «niekatorych krain». Ale, mahčyma, nie ŭdasca
Cieła prezidenta Vieniesueły Uha Čaviesa, jaki pamior na minułym tydni, mahčyma, nie ŭdasca zabalzamavać, zajaviŭ u sieradu pierajemnik Kamandante Nikałas Madura.
«Mierkavańni navukoŭcaŭ śviedčać, što heta budzie dosyć ciažka zrabić, pakolki rašeńnie ab hetym treba było prymać značna raniej», — cytuje Madura
«My pavinny być adkaznymi i abaviazany paviedamić pra heta narodu», — adznačyŭ Madura, pa słovach jakoha rašeńnie ab tym, što cieła Čaviesa budzie zabalzamavanaje, było pryniata pa prapanovie lideraŭ «niekatorych krainaŭ», jakija prybyli na minułym tydni dla ŭdziełu ŭ dziaržaŭnaj cyrymonii raźvitańnia z prezidentam.
Madura rastłumačyŭ, što ŭ Vieniesuełu ŭžo prybyli śpiecyjalisty pa balzamavańnia z Rasii i Hiermanii. «Praces hety vielmi składany, moj abaviazak paviedamić vam, što, mahčyma, jaho nie ŭdasca ažyćciavić», — skazaŭ Madura.