Pasažyry ciahnika Vilnia — Minsk buduć prachodzić mytniu na vakzale; z traŭnia puskajuć treci ciahnik

Pasažyry ciahnika, jaki kursiruje pamiž stalicami Litvy i Biełarusi, buduć prachodzić pamiežna-mytnyja pracedury nie na pamiežnaj litoŭskaj stancyi Kiana, jak ciapier, a na Vilenskim čyhunačnym vakzale.

Dziakujučy novaŭviadzieńniu čas šlachu skarocicca z troch da dźviuch z pałovaj hadzinaŭ. Novy paradak pavinien pačać dziejničać užo ŭ traŭni.

«Źmieny pradyktavanyja rastučaj papularnaściu maršrutu, imknieńniem zrabić pajezdku bolš kamfortnaj, zekanomić čas šlachu», — zajaviŭ D. Žebraŭskas.

Na praciahu miesiaca ciahniki pa maršrucie Vilnia — Minsk pieravoziać bolš za 22 tys. čałaviek.

Kamunikacyja jašče bolš ažyvicca ŭ kancy traŭnia, kali zamiest dźviuch na maršrucie pačnuć kursiravać try ciahniki.

Dla ažyćciaŭleńnia pamiežna-mytnych pracedur u prastornym tuneli Vilenskaha čyhunačnaha vakzała, što viadzie da šlachoŭ, abstaloŭvajucca pracoŭnyja miescy dla pamiežnikaŭ i mytnikaŭ, sistema renthienaŭskaha kantrolu bahažu, kamiery nazirańnia za rucham ludziej.

Kamientary da artykuła