Kanca marazam nie vidać: jašče dva tydni minusy
Heta moža akazacca adna z samych doŭhich zimaŭ u historyi. Sinoptyki pakul nie pradbačać paciapleńnia.Usie nastupnyja dva tydni na bolšaj častcy Biełarusi zachavajecca maroznaje nadvorje, z tempieraturami ad nula da 20 hradusaŭ nižej za nul. Na poŭdni krainy (Homiel, Brest) za hety pieryjad buduć i adlihi, a voś u centry i na poŭnačy maroz sucelny. Čarhovy pik chaładoŭ moža prypaści na 27 sakavika. Tady, zhodna z prahnozam, tempieratury apuściacca ŭnačy da 20 na poŭnačy, minus 16 na poŭdni.
Apošni taki ściužny sakavik byŭ u 2006 hodzie, ale tady da Dnia Voli, 25 Sakavika, ściapleła. Sioleta, vidać, maroz utrymajecca navat na katalicki Vialikdzień, jaki sioleta prypadaje davoli rana, 31 sakavika.