Miadźviedzieŭ: Kiprski padatak — «kanfiskacyja čužych hrošaj»
Rasijski prem'jer-ministr Dźmitryj Miadźviedzieŭ nazvaŭ mierkavanaje ŭviadzieńnie dadatkovaha padatku na ŭkłady ŭ bankach Kipra «vielmi dziŭnym» i «sprečnym» rašeńniem.
«Skažam prosta, heta vyhladaje, jak kanfiskacyja čužych hrošaj», — skazaŭ Miadźviedzieŭ.
Raniej urad Kipra abviaściŭ, što pavodle patrabavańnia ES uvodzić zbor z usich depazitaŭ, raźmieščanych u krainie. Z układaŭ da 100 tys. jeŭra budzie razava źniata 6,75%, z astatnich — 9,9%.
Hałasavańnie pa hetym pytańni ŭ parłamiencie Kipra pakul adkładzienaje da aŭtorka.