Namieśnik ministra zamiežnych spraŭ znachodzicca ź vizitam u Francyi

19–22 sakavika namieśnik ministra zamiežnych spraŭ Alena Kupčyna znachodzicca ź vizitam u Paryžy, dzie ŭdzielničaje ŭ pieršym mižnarodnym forumie žančyn-frankafonaŭ u ramkach Mižnarodnaj arhanizacyi Frankafonii.

Jak paviedamlaje pres-słužba biełaruskaha źniešniepalityčnaha viedamstva, zapłanavany sustrečy Kupčynoj u MZS Francyi, z pradstaŭnikami hrupy družby «Francyja — Biełaruś» francuzskaha parłamienta, a taksama z kiraŭnictvam mižnarodnaj dyrekcyi sajuza kiraŭnikoŭ kampanij Francyi «MIEDEF Intiernaśjonal».

Padčas sustreč budzie abmiarkoŭvacca «šyrokaje koła pytańniaŭ dvuchbakovaha ŭzajemadziejańnia, raźvićcio dyjałohu Biełarusi ź Jeŭrasajuzam».

Pavodle źviestak pres-słužby MZS, za 2012 hod tavaraabarot pamiž Biełaruśsiu i Francyjaj skłaŭ 532,4 młn. dołaraŭ ZŠA (110,5% da 2011 hoda), abjom biełaruskaha ekspartu — 96,7 młn. dołaraŭ (148,6%), impartu — 435,7 młn. dołaraŭ (104,6%).

U 2012 hodzie abjom inviestycyj z Francyi ŭ Biełaruś skłaŭ 3,7 młn. dołaraŭ, ź ich pramych na čystaj asnovie — 0,4 młn. dołaraŭ.

U Biełarusi zarehistravana 45 pradpryjemstvaŭ z udziełam francuzskaha kapitału.

Kamientary da artykuła