Pažar u internacie ŭ Ivanavie: evakujavana 43 čałavieki

U rajcentry Ivanava na pačatku treciaj hadziny 19 sakavika adbyŭsia pažar u internacie AAT «Rajahraservis» pa vulicy K.Marksa.

Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, u 2.51 u słužbu «101» pastupiła infarmacyja ab spracoŭvańni ŭ hetym budynku sistemy aŭtamatyčnaj pažarnaj sihnalizacyi. Ratavalnikami sumiesna z administracyjaj internata byli evakujavany z budynka 42 čałavieki, u tym liku dzieviać dziaciej.

Pažar byŭ patušany za čatyry chviliny. Ahniom u kabiniecie na pieršym paviersie paškodžany piśmovy stoł, telefonny aparat, zakurany ścieny i stol. Paciarpiełych niama.

Pryčyna pažaru ŭstanaŭlivajecca. Razhladajecca viersija ab parušeńni praviłaŭ ekspłuatacyi elektrasietak i elektraabstalavańnia (karotkaje zamykańnie telefonnaha aparata).

Kamientary da artykuła