Aryštavany brat Kadafi
U Ehipcie orhany biaśpieki aryštavali Achmeda Kadaf al-Dama, byłoha blizkaha paplečnika i stryječnaha brata zabitaha libijskaha dyktatara Muamara Kadafi.
Al-Dam byŭ aryštavany ŭ svaim domie ŭ Kairy. Paviedamlajecca, što jon zdaŭsia palicyi paśla pierastrełki pamiž jaho ciełaachoŭnikami i siłami biaśpieki. Al-Dam byŭ specyjalnym pasłańnikam Libii ŭ Kairy. Jon pakinuŭ radzimu nieŭzabavie paśla paŭstańnia 2011 hodu i adchileńnia Kadafi ad ułady.
Na sajcie Interpołu havorycca, što al-Dam vyšukvaŭsia libijskimi ŭładami ŭ źviazku z padrobkaj dakumentaŭ, machlarstvam i admyvańniem hrošaj. Taksama ŭ aŭtorak u Kairy byli aryštavanyja jašče dva byłyja dziejačy režymu Kadafi.