Urad Vieniesueły ŭznaharodziŭ kubinskich daktaroŭ za lačeńnie Čavesa
Urad Vieniesueły ŭznaharodziŭ hrupu kubinskich daktaroŭ, jakija ź siaredziny 2011 hoda lačyli prezidenta Vieniesueły Uha Čavesa, što pamior ad raku ŭ pačatku sakavika.
Adpaviedny ŭkaz za podpisam vykanaŭcy abaviazkaŭ prezidenta Nikałasa Madura byŭ apublikavany ŭ aficyjnaj haziecie Vieniesueły.
Miedykam uručyli ordeny «Vyzvalicieli i vyzvalicielnicy Vieniesueły» pieršaj stupieni. Uznaharody byli ŭdastojenyja 7 čałaviek. Daktary ŭznaharodžanyja za «vykanańnie prafiesijnaha abaviazku, nastojlivaść i vysokuju addaču» padčas lačeńnia kamandante.
Uha Čaves prachodziŭ lačeńnie na Kubie z červienia 2011 hoda. Tady jamu była zroblenaja pieršaja apieracyja pa vydaleńni złajakasnaj puchliny. Zatym jaho apieryravali jašče niekalki razoŭ. Chirurhičnaje ŭmiašańnie supravadžałasia kursami chimijaterapii. Uha Čaves pamior 5 sakavika 2013 h.