Deputat Siejma zaklikaje palakaŭ vyviešvać bieł-čyrvona-biełyja ściahi

Deputat polskaha Siejma Robiert Tyškievič zaklikaje sujčyńnikaŭ być salidarnymi ź biełarusami i vyviesić 25 sakavika ŭ siabie doma i na pracy bieł-čyrvona-biełyja ściahi. Svoj zaklik palityk kiroŭnaj «Hramadzianskaj płatformy» źmiaściŭ na profili ŭ Fejsbuku.

«Žyvie Biełaruś! Praz tydzień, 25 sakavika, minaje 95 hod ad abviaščeńnia niezaležnaści Biełaruskaj narodnaj respubliki. Dla zmaharoŭ za svabodnuju Biełaruś heta simvaličnaja data. Razam ź imi zaklikaju, kab 25 sakavika my na adzin dzień vyviesili ŭ svaich damach i ŭstanovach (chto moža) bieł-čyrvona-bieły ściah Biełarusi. Heta budzie znak salidarnaści palakaŭ dla biełarusaŭ u ich słušnaj baraćbie za demakratyju» — napisaŭ Tyškievič.

Dla taho, kab nahadvać pra hetuju inicyjatyvu, Robiert Tyškievič źmiaściŭ na profili ŭ sacyjalnych sietkach svoj zdymak z bieł-čyrvona-biełym ściaham.

Robiert Tyškievič źjaŭlajecca vice-staršynioj Kamisii zamiežnych spraŭ polskaha Siejma i siabram parłamienckaj hrupy pa kantaktach ź Biełaruśsiu.

Kamientary da artykuła