Bieł-čyrvona-bieły ściah załunaŭ i ŭ ZŠA: u Saŭt-Ryviery ŭračysta adznačyli Dzień Voli — fotafakt
Na haradskim uzroŭni, z abviaščeńniem Biełaruskim dniom, u Saŭt-Ryviery 25 Sakavika adznačajuć z kanca 1950-ch
Na haradskim uzroŭni, z abviaščeńniem Biełaruskim dniom, u Saŭt-Ryviery 25 Sakavika adznačajuć z kanca 1950-ch.
Čalec haradskoj rady začytvaje ŭračystuju prakłamacyju.
Udzielniki siońniašniaha śviatkavańnia.
23 sakavika (subota) ŭ Saŭt-Ryviery (štat Ńju-Džersi) prajšło ŭračystaje śviatkavańnie 95-ch uhodkaŭ abviaščeńnia niezaležnaści Biełaruskaj Narodnaj Respubliki.Na fłahštoku kala budynka histaryčnaha muzieju na Hałoŭnaj vulicy horada (Mejn-stryt) załunali dva nacyjanalnyja ściahi: amierykanski i biełaruski bieł-čyrvona-bieły.
Čalec Haradskoj upravy Mećju Von ad imia mera horada začytaŭ prakłamacyju pra abviaščeńnie ŭ Saŭt-Ryviery dnia 25 sakavika Dniom Biełaruskaj Niezaležnaści.Udzieł u cyrymonii ŭziali pradstaŭniki haradskoj upravy, biełaruska-amierykanskich arhanizacyjaj, prychadžanie carkvy sv. Jeŭfrasińni Połackaj, pryvatnyja asoby. Paśla hetaha ŭ budynku Biełaruska-Amierykanskaha Centra prajšoŭ tradycyjny pačastunak haściej z hutarkami na biełaruska-amierykanskija temy.
Zaznačym, što Biełaruski dzień uračysta ŭ prysutnaści haradskich uładaŭ, z uźniaćciom bieł-čyrvona-biełaha ściaha, adznačajuć u Saŭt-Ryviery ad kanca 1950-ch hh.
***
- Saŭt-Ryvier -- horad u centralnaj častcy štata Ńju-Džersi. Biełarusy stali pierasialacca siudy ŭ kancy XIX st. Źbiełarusizavaŭsia Saŭt-Ryvier u pačatku 1950-ch ź pierasialeńniem u jaho niekalkich dziasiatkaŭ emihrantaŭ z łahieroŭ dla pieramieščanych asob u Niamieččynie. Biełarusy zasnavali prychod sv. Jefrasińni Połackaj u jurysdykcyi kanstancinopalskaha patryjarchata, zbudavali carkvu, Biełaruska-amierykanski hramadski centr. U Saŭt-Ryviery dziejničali, i dziejničajuć zaraz, niekalki hramadskich i sacyjalnych arhanizacyj. U rysie horada znachodziacca asobnyja biełaruskija mohiłki.
- Aktyŭnaje biełaruskaje žyćcio praciahvajecca ŭ haradku i pa siońnia. U listapadzie 2012 h. biełarusy adśviatkavali 40-hodździe pabudovy carkvy, a ŭ pačatku studzienia 2013 hoda -- Kalady