Siłaviki Biełarusi cikavilisia ŭ Microsoft 35 akaŭntami ŭ Skype
Biełaruskija siłaviki atrymali ŭ minułym hodzie ad karparacyi Microsoft (uładalnik Skype) infarmacyju ab 35 akaŭntach Skype. Ab hetym paviedamlajecca ŭ dakładzie «Law Enforcement Requests Report», jaki apublikavany ŭ aficyjnym błohu kampanii.
Microsoft zajaŭlaje, što ŭ 2012 hodzie biełaruskija śpiecsłužby piać razoŭ źviartalisia ŭ kampaniju z zapytami ab 35 akaŭntach Skype. Pry hetym kampanija vydała tak zvanyja identyfikatary, zapatrabavanyja ŭ zapytach. Sama pierapiska i inšyja dadzienyja, jakija adnosiacca da źmiestu pierapiski, hałasavoj i videasuviazi, vydadzieny nie byli.
«My patrabujem vierdyktaŭ suda abo ekvivalentnaha dakumienta, pierš čym my budziem razhladać pytańnie ab vydačy dadzienych, jakija nie ŭtrymlivajuć kantent, i my patrabujem rašeńnia suda abo ordera, pierš čym my razhladać vydaču kantentu karystalnika», zajaŭlajuć u Microsoft.
Biełaruś fihuruje tolki ŭ śpisach zapytaŭ pa Skype, z pryčyny źviestak karystalnikaŭ astatnich servisaŭ i słužbaŭ Microsoft biełaruskija siłaviki nie źviartalisia.