Barys Bierazoŭski i łord Beł dziŭnym čynam pierasiakalisia ŭ Biełarusi

Jak piša suśvietnaja presa, łord Cimaci Beł byŭ blizkim siabrom niabožčyka Barysa Bierazoŭskaha. Suśvietnyja ŚMI mienavita ŭ Beła cikavilisia, ci moh Bierazoŭski zrabić sabie śmierć. Pijar-huru miarkuje, što heta vielmi małaimavierna, što biznesoviec i machlar zanadta lubiŭ žyćcio. Akramia taho, Beł pastaviŭ pad sumnieŭ mahčymaść taho, što Bierazoŭski pasyłaŭ pakajanny list Pucinu: «Ja ŭpeŭnieny, što heta poŭnaja i absalutnaja vydumka. U mianie niama sumnieńniaŭ u tym», — kaža Beł.

Beł i Bierazoŭski dziŭnym čynam sudakranalisia i ŭ Biełarusi. Mienavita pijar-ahienctva łorda Beła zajmałasia pytańniem imidžu režymu Alaksandra Łukašenki ŭ 2009–2010 hadach. U toj ža čas chadzili čutki pra intaresy Barysa Bierazoŭskaha ŭ Minsku. U pryvatnaści, prachodziła amal peŭnaja infarmacyja, što Bierazoŭski pryjazdžaŭ na praces amierykanskaha advakata Zielcera ŭ toj samy čas, kali samoha Bierazoŭskaha aktyŭna rasšukvała rasijskaje pravasudździe.

Infarmacyja pra toje, kolki kaštavali biełaruskija pasłuhi łorda Beła i chto ich apłaciŭ, dahetul nie publikavałasia.

Łord Beł vysoka caniŭ Barysa Bierazoŭskaha: «Jon byŭ vielmi dobrym čałaviekam, vielmi dobrym da mianie i da ŭsich ludziej vakoł siabie. Ja im nadzvyčaj zachaplaŭsia». Pijar-kampanija Bell Pottinger zarabiła vializnyja hrošy ŭ tym liku pracaj na ludziej kštałtu Bierazoŭskaha, Łukašenki ci saudaŭskich pryncaŭ.

Kamientary da artykuła