Sprava rasiejca, jaki prataraniŭ na «BMV» šłahbaŭmy na miažy, adpraŭlena ŭ sud
Prakuraturaj Bresckaj vobłaści adpraŭlena ŭ sud kryminalnaja sprava ŭ dačynieńni da
Jak paviedamiŭ BiełaPAN staršy pamočnik prakurora Bresckaj vobłaści pa nahladzie za vykanańniem zakanadaŭstva ab dziaržaŭnaj biaśpiecy Eduard Pryłucki, rasijanin, jaki doŭhi čas žyŭ u Hiermanii, abvinavačvajecca ŭ tym, što 21 studzienia 2013 hoda ŭ aŭtadarožnym punkcie propusku «Damačava» z parušeńniem ustanoŭlenaha paradku prachodžańnia mytnaha i pamiežnaha kantrolu niezakonna pierasiek miažu z vykarystańniem vykradzienaha ŭ Hiermanii «BMV».
Kirujučy im na vialikaj chutkaści i stvarajučy realnuju niebiaśpieku žyćciu i zdaroŭju ludziej, jakija znachodzilisia ŭ punkcie propusku, małady čałaviek naŭmysna paškodziŭ i źniščyŭ čatyry šłahbaŭmy, što znachodziacca na bałansie Bresckaj mytni.
Takim čynam, razam z koštam rabot pa źmienie i adnaŭleńni paškodžanaj i źniščanaj majomaści jon nanios mytni ŭron na ahulnuju sumu 29,7 młn. rubloŭ, što składaje bujny pamier.
Dziejańni hramadzianina Rasii kvalifikavanyja pa č. 1 art. 371 (niezakonnaje pierasiačeńnie dziaržaŭnaj miažy Respubliki Biełaruś) i č. 2 art. 218 (naŭmysnaje źniščeńnie abo paškodžańnie majomaści) Kryminalnaha kodeksa.
«Prakuraturaj Bresckaj vobłaści jamu vystaŭleny isk ab spahnańni ŭronu, naniesienaha majomaści Bresckaj mytni, na vyšejzhadanuju sumu, — dadaŭ Pryłucki. — Pravaachoŭnyja orhany Hiermanii prainfarmavanyja ab učynienym abvinavačanym hramadzianinam Rasii na ich terytoryi kradziažy „BMV“. U hetaj častcy pytańnie ab jaho kryminalnaj adkaznaści padlahaje razhladu ŭ paradku, praduhledžanym mižnarodnym zakanadaŭstvam».
Jak zaznačyŭ pradstaŭnik prakuratury, kryminalnaja sprava adpraŭlena dla razhladu ŭ sud Bresckaha rajona. Jana rasśledavana śledčym adździełam upraŭleńnia KDB pa Bresckaj vobłaści.