Biełaruskaja čyhunka padkarektuje raskład ruchu mižnarodnych ciahnikoŭ
BČ sumiesna z čyhunačnymi administracyjami susiednich dziaržaŭ u suviazi ź pierachodam krain Jeŭrasajuza i Ukrainy 31 sakavika na letni čas adkarektavała raskład ruchu mižnarodnych ciahnikoŭ.
Naprykład, ciahnik № 116 adpraŭlaŭsia z Varšavy ŭ 20.50 z prybyćciom u Minsk u 9.05. Z 31 sakavika jon budzie vyjazdžać u toj ža čas z Varšavy, ale prybyvać u Minsk u 8.02. Ciahnik № 115 u zvarotnym napramku adpraŭlaŭsia ź Minska ŭ 21.45 i prybyvaŭ u Varšavu ŭ 5.51.
Ź pierachodam na letni čas ciahnik budzie vyjazdžać ź Minska ŭ 20.44 z prybyćciom na kancavy punkt u 5.51.
Źmianieńni taksama zakranuli mižnarodnyja ciahniki ŭ znosinach z Ukrainaj i krainami Bałtyi. Tak, da 31 sakavika ciahnik № 85 Kijeŭ — Minsk adpraŭlaŭsia sa stalicy Ukrainy ŭ 21.06 i prybyvaŭ u Minsk u 8.55. Ź pierachodam na letni čas budzie vychodzić z pačatkovaj stancyi ŭ 21.56 i prybyvać u Minsk u 8.55.
Ciahnik № 16 Vilnia — Minsk adpraŭlaŭsia ź litoŭskaj stalicy ŭ 18.10 i prybyvaŭ na kancavy punkt u 22.10, z 31 sakavika adpraŭka budzie ŭ 19.10, a prybyćcio — u 22.10. Ciahnik № 15 Minsk — Vilnia vyjazdžaŭ ź Minska ŭ 7.45 i prybyvaŭ u stalicu Litvy ŭ 9.45, a paśla 31 sakavika budzie vychodzić u toj ža čas, ale dasiahać Vilni ŭ 10.45.
Akramia taho, skarekciravany raskład pajazdoŭ rehijanalnych i mižrehijanalnych linij, jakija kursirujuć pa Biełarusi. Padrabiaznaja infarmacyja ab hetym raźmieščana na infarmacyjnych stendach stancyj, vakzałaŭ, a taksama na aficyjnym sajcie Biełaruskaj čyhunki.
31 sakavika 2013 h. pasažyrskija pajazdy, jakija adpravilisia z pačatkovych stancyj da pieravodu strełki hadzińnikaŭ i znachodziacca ŭ darozie, u dalejšym pojduć da kancavych stancyj zhodna ź dziejučym da źmianieńnia času raskładam.-0-