U Breście aŭtamabil źbiŭ dźviuch dziaŭčat na pierachodzie
Jak paviedamiła inśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Kaśjanik, heta zdaryłasia 31 sakavika ŭ 20.30 na skryžavańni vulic Stafiejeva i Maskoŭskaj.
66-hadovy žychar Bresta, jaki kiravaŭ aŭtamabilem «Reno-Łahuna», vyjazdžajučy z vulicy Stafiejeva na Maskoŭskuju na dazvolny sihnał śviatłafora, nie prapuściŭ dziaŭčat, jakija pierachodzili darohu, i ŭčyniŭ na ich najezd.
U vyniku 18-hadovaja paciarpiełaja z zakrytymi pierałomami kopčyka i pravaj halonki, udaram pravaha tazaściehnavoha sustava źmieščana ŭ Bresckuju centralnuju haradskuju balnicu, 17-hadovaja — u abłasnuju dziciačuju balnicu. U jaje ŭdar hrudnoj kletki sprava, drapiny abodvuch pieradpleččaŭ i pravaha kalennaha sustava.
Abiedźvie dziaŭčyny — žycharki Bresta. Ustanoŭlena, što jany pierachodzili prajeznuju častku na dazvolny sihnał śviatłafora. Pa fakcie DTZ pravodzicca pravierka.
Čytajcie taksama:
Kamientary da artykuła