U Bierazinie inśpiektar DPS advioŭ dušu na svaim byłym načalniku
Biarezinski rajonny adździeł Śledčaha kamiteta raspačaŭ kryminalnuju spravu ŭ dačynieńni da staršaha inśpiektara DPS ADAI Biarezinskaha RAUS, majora milicyi K.
Kryminalnaja sprava raspačataja pa materyjałach Hałoŭnaha ŭpraŭleńnia ŭłasnaj biaśpieki (HUUB) MUS. Inśpiektaru inkryminujecca ździajśnieńnie złačynstva pa č.3 art.426 Kryminalnaha kodeksa Biełarusi (pieravyšeńnie ŭłady abo słužbovych paŭnamoctvaŭ, učynienyja asobaj, jakaja zajmaje adkaznaje stanovišča, albo jakija paciahnuli ciažkija nastupstvy, a taksama naŭmysnaje ździajśnieńnie słužbovaj asobaj dziejańniaŭ, jakija vidavočna vychodziać za miežy pravoŭ i paŭnamoctvaŭ, dadzienych jamu pa słužbie, spałučanyja z hvałtam, pakutaj ci abrazaj paciarpiełaha albo ŭžyvańniem zbroi abo śpiecyjalnych srodkaŭ).
Pavodle dadzienych HUUB MUS, major milicyi 9 studzienia 2013 hoda, pryblizna ŭ 21.40, padčas ažyćciaŭleńnia nahladu za darožnym rucham pieravysiŭ słužbovyja paŭnamoctvy i źbiŭ miascovaha
Cikava, što starejšy inśpiektar DPS źbiŭ nie prosta piensijaniera, a byłoha supracoŭnika MUS, svajho kalehu, jaki ŭsiaho hod jak vyjšaŭ na piensiju. I nie prosta kalehu, a svajho byłoha šefa, jaki zajmaŭ raniej pasadu načalnika adździaleńnia DAI Biarezinskaha RAUS. Zrazumieła, što na taki aburalny vypadak pieravyšeńnia słužbovych paŭnamoctvaŭ dziejnym inśpiektaram DPS słužba ŭłasnaj biaśpieki MUS adreahavała vielmi chutka.
Viadziecca śledstva, u chodzie jakoha płanujecca vyśvietlić usie abstaviny taho, što adbyłosia, u tym liku i toje, što lažała ŭ asnovie dziejańniaŭ staršaha inśpiektara DPS.