Łukašenka nahadaŭ Ukrainie pra staryja daŭhi pierad Biełaruśsiu

Stan i pierśpiektyvy raźvićcia biełaruska-ŭkrainskich adnosinaŭ abmiarkoŭvalisia siońnia na sustrečy Alaksandra Łukašenki z nadzvyčajnym i paŭnamocnym pasłom Biełarusi va Ukrainie Valancinam Vialičkam.

«Chacieŭ by pačuć ad vas infarmacyju ab situacyi, jakaja składvajecca va Ukrainie, tych prablemach, jakija siońnia isnujuć u našych adnosinach. Dla nas heta vielmi važna. Heta vielmi blizkaja nam kraina. My vielmi surjozna handlujem z Ukrainaj, i ŭ nas jość šerah niavyrašanych pytańniaŭ, u tym liku pa miažy, staryja daŭhi Ukrainy pierad Biełaruśsiu. Chaj jany nievialikija, ale tym nie mienš. Jak tut u nas składvajecca situacyja?», — pacikaviŭsia Łukašenka.

«Mahčyma, nam u bližejšy čas z prezidentam Ukrainy daviadziecca abmierkavać usie hetyja pytańni», — dadaŭ jon.

Valancin Vialička prainfarmavaŭ Łukašenku ab tym, jak raźvivajucca biełaruska-ŭkrainskija adnosiny na sučasnym etapie, u tym liku va ŭmovach adbyvajucca intehracyjnych pracesaŭ, mahčymaha ŭdziełu ŭ ich Ukrainy.

Kamientary da artykuła