Rollingji viartajucca: jany daduć vialiki kancert u łondanskim Hajd-parku praz 44 hady

Brytanski rok-hurt Rolling Stones abviaściŭ, što vystupić u łondanskim Hajd-parku upieršyniu paśla lehiendarnaha biaspłatnaha kancerta 1969 hoda, jaki naviedała kala paŭmiljona čałaviek.

«Rolinhi» dali kancert u samym vialikim centralnym parku Łondana ŭ lipieni 1969 h. — usiaho praz dva dni paśla śmierci hitarysta hrupy Brajana Džonsa.

Kancert-viartańnie adbudziecca 6 lipienia hetaha hoda — praz tydzień paśla taho, jak Rolling Stones vystupiać u roli «chedłajniera» ​​na muzyčnym fiestyvali ŭ Hłastanbery, upieršyniu z momantu jaho zasnavańnia ŭ 1970 h.

Padčas kancertu 44-hadovaj daŭniny apranuty ŭ biełuju kašulu salist hrupy Mik Džahier, vidavočna ŭzrušany śmierciu Brajana Džonsa, začytaŭ sa sceny vierš anhlijskaha paeta Piersi Bišy Šeli, jaki ŭtapiŭsia ŭ Mižziemnym mory ŭ pačatku XIX st. (Džons patanuŭ u basiejnie).

Paśla hetaha ŭ pavietra zapuścili tysiačy matylkoŭ.

U adroźnieńnie ad 1969 hoda, na hety raz vystup Rolling Stones u Hajd-parku nie budzie biaspłatnym.

Lehiendarnyja rokiery ŭ traŭni adpraviacca na hastroli ŭ Paŭnočnuju Amieryku, adnak płanaŭ zładzić čarhovaje suśvietnaje turne ŭ ich pakul niama.

Kamientary da artykuła