U 36 hadoŭ pamierła futbalistka Śviatłana Ryžova: rak

Va ŭzroście 36 hadoŭ 4 krasavika pamierła byłaja futbalistka zbornaj Biełarusi Śviatłana Ryžova, paviedamiła pres-słužba Biełaruskaj fiederacyi futboła.

U pačatku studzienia hetaha hoda ŭ mahiloŭskich ŚMI źjaviłasia infarmacyja, što Ryžova zmahajecca z rakam straŭnika apošniaj stupieni. «Na žal, biełaruskaja miedycyna nie ŭ stanie jaje vyratavać. Śviatłanie nieabchodna lačeńnie ŭ klinicy z sučasnym abstalavańniem i miedykamientami. Na siońnia adkaz atrymany z kliniki Chadasa (Izrail), jakaja zapeŭniła: šansy na žyćcio jość. Abśledavańnie ŭ hetaj ustanovie kaštuje 6.700 dołaraŭ», — havaryłasia ŭ paviedamleńni.

Ryžova vystupała za kamandy «Nadzieja», Mahiloŭ (1991), «Babrujčanka», Babrujsk (1992–1999), «Miedyk», Konin, Polšča (2000–2004), «Zorka-BDU», Minsk (2005–2006), «Univiersitet», Viciebsk (2007–2009), «Minčanka-BDPU», Minsk (2010), «Minsk» (2011), «Nadzieja-SDIUŠAR-7», Mahiloŭ (2012). Siarebrany pryzior čempijanatu SSSR (1991), čempijon (1994, 1995, 1997–1999, 2007–2009), siarebrany (1992, 1993, 2005, 2006) i bronzavy (1996, 2011) pryzior čempijanatu Biełarusi. Uładalnik Kubka Biełarusi (1996–1999, 2009, 2011). Siarebrany (2001, 2002, 2004) i bronzavy (2000, 2003) pryzior čempijanatu Polščy pa futbole, siarebrany (2000, 2002) i bronzavy (2001) pryzior čempijanatu Polščy pa mini-futbole.

U 2004 hodzie ŭ składzie «Babrujčanki» Ryžova dajšła da čverćfinału Lihi čempijonaŭ UEFA.

Cyrymonija raźvitańnia sa spartsmienkaj projdzie 5 krasavika ŭ Mahilovie.

Kamientary da artykuła