«Hazpram» spłacić $35 miljonaŭ za znos aŭtavakzała «Maskoŭski» — ukaz
Hazavy kancern zapłacić za ziamlu, znos vakzała i budaŭnictva doma dla šmatdzietnych siemjaŭ.
AAT «Biełtranshaz» pabuduje šmatfunkcyjanalny kompleks na miescy aŭtavakzała «Maskoŭski».Adpaviedny ŭkaz № 153 «Ab pytańniach budaŭnictva šmatfunkcyjanalnaha kompleksu ŭ h. Minsku» 4 krasavika padpisaŭ Alaksandr Łukašenka.
Dakumientam praduhledžvajecca realizacyja ŭ 2013–2018 hadach AAT «Biełtranshaz» inviestycyjnaha prajekta pa budaŭnictvu šmatfunkcyjanalnaha kompleksu ŭ Minsku ŭ miežach vuł. Filimonava — pr. Niezaležnaści — vuł. Makajonka, jaki ŭklučaje hatel, parkinh,
Inviestaru dla budaŭnictva i absłuhoŭvańnia šmatfunkcyjanalnaha kompleksu budzie pradastaŭleny ŭ arendu ziamielny ŭčastak płoščaj 8,27 ha.
Za prava zaklučeńnia dahavora arendy inviestar vypłacić u biudžet Minska $17,2 miljona.
Tavary, jakija ŭvoziacca na terytoryju Biełarusi ŭ ramkach realizacyi inviestycyjnaha prajekta, buduć vyzvalenyja da kanca 2018 ad abkładańnia ŭvaznymi mytnymi pošlinami i padatkam na dabaŭlenuju vartaść.
Inviestar pakryje u biudžet Minska straty, źviazanyja sa znosam aŭtavakzała «Maskoŭski» ŭ sumie $13,7 miljona.
Akramia taho, inviestar daść hrošy na budaŭnictva raźviazki na skryžavańni praśpiekta Niezaležnaści i vulicy Filimonava (50% ad koštu prajekta), a taksama na budaŭnictva žyłoha doma na 30 kvater dla šmatdzietnych siemjaŭ ($3,3 miljona).