Zrabicie svajo žyćcio raznastajnym
Dzieci ŭsie adnolkavyja:
harłapaniać, sikajucca, nie słuchajucca i chłusiać. Susiedskija jašče i pilikajuć na skrypcy.
Dziaŭčaty ŭsie adnolkavyja, tamu što im padabajecca niechta inšy. Zaŭsiody. Ty dobry chłopiec, mnie z taboj vielmi cikava, davaj zastaniemsia siabrami…
Kalehi ŭsie adnolkavyja: chichikajuć za śpinaj, intryhujuć, marać zaniać majo miesca.
Načalstva paŭsiul adnolkavaje. Patrabuje šmat i ŭsiudy płacić mała.
Ułada ŭsiudy adnolkavaja: ščyra vieryć, što jaje lubiać.
Apazicyja ŭsiudy adnolkavaja: surjozna ličyć, što moža vyratavać krainu.
Relihija ŭsiudy adnolkavaja. Vieryš, nie vieryš — u paniadziełak na pracu.
Daktary ŭsiudy adnolkavyja: usie ich chvoryja pamirajuć. Daktary, darečy, taksama pamirajuć, navat zubnyja.
Piva ŭsiudy adnolkavaje: u luboj prybiralni znojducca dokazy.
Chočacie raznastaić svajo isnavańnie?
Vojska.
Avijacyja.
Fłot.
Pahraničny śpiecnaz.
Terytaryjalnaja abarona.
Zrabicie žyćcio nasyčanym, vypukłym, poŭnym zdarovaha sensu i enierhii.