Radzina: KDB uhavorvaje praz svajakoŭ, kab ja viarnułasia

8.04.2013 / 18:04

Źmicier Pankaviec

Redaktarka sajta «Chartyja-97» Natalla Radzina apošnija dva hady vymušanaja žyć za miežami Biełarusi.

Ciapier jana ŭ Varšavie, adkul redahuje sajt.

Ź Biełarusi Radzina źjechała paśla prezidenckich vybaraŭ-2010. Tady jana była zatrymanaja 19 śniežnia i prabyła ŭ turmie KDB «Amierykancy» da 28 studzienia. Paśla hetaha Radzina musiła źjechać u Kobryn, dzie prapisanaja.

«Ciapier u KDB vyklikajuć maich svajakoŭ. Nie chaču kazać kaho, ale nie tatu z mamaj. Prosiać, kab pierakanali mianie viarnucca na Radzimu. Kažuć: «Kali budzie vieści siabie razvažliva, to ŭsio ŭ jaje budzie dobra». Pierakonvać ich biessensoŭna», — kaža Natalla Radzina.

Radzina tłumačyć takuju aktyvizacyju tym, što aficyjnamu Minsku patrebny «novy dyjałoh ź Jeŭrasajuzam, novyja kredyty».

Čytajcie taksama:

Kamientary da artykuła