U Breście treščynu daŭ 12-paviarchovy dom

40-hadovaj daŭniny «dom-kniha» pajšoŭ kasoj raskolinaj.

Kasymi raskolinami ad 12-ha da pieršaha paviercha pajšła paŭnočnaja niasučaja ściana doma pa Nabiarežnaj Francyska Skaryny, 32. Raskoliny źjavilisia miž voknaŭ znutry kvater i zvonku. Žycharka doma Iryna Levaniuk tłumačyć: «U nas nikoli zvonku našaha doma nie było kasych raskolin. Dom ablicavany plitkaj, i jana patreskałasia ad pieršaha paviercha da apošniaha. Heta śviedčańnie taho, što adna kałona defarmavałasia. Mabyć, pahruziłasia ŭ ziamlu. Unutry, u kvaterach, žychary bačać raskoliny pamiž plitami i za batarejami aciapleńnia».

Plity pierakryćcia miescami raskałolisia navat razam z naklejenaj azdobaj i sumiežnaj ścianoj. U kvatery № 9 vilhotnaja i čornaja ad ćvili ściana. Unutry jaje tresnuła i psuje vadu truba.

Dom, zbudavany na pačatku 1980-ch, svaim zachodnim kryłom abapirajecca na try masiŭnyja bietonnyja kałony. Takich 12-paviarchovikaŭ na nabiarežnaj try. Jany zbudavanyja pa češskim prajekcie. Pieršy ź ich paŭstaŭ jašče ŭ 1975 hodzie. Razam jany ŭtvarajuć ansambl na ŭjeździe ŭ centr Bresta z boku Varšavy. Stajać jany na hruntach daliny Muchaŭca.

Dom, jaki daŭ raskolinu, u 2005 hodzie jaho ŭžo pryznavali avaryjnym i ŭmacoŭvali padmurak. Cikava, što ŭ anałahičnym susiednim domie raniej žyŭ staršynia Bresckaha harvykankama Alaksandr Pałyšenkaŭ.

Kamientary da artykuła