Pra babra ź Biełarusi, jaki zabiŭ čałavieka, napisali Los Angeles Times, Daily Telegraph i Time
Pra vypadak, što zdaryŭsia ŭ Kamianieckim rajonie Bresckaj vobłaści 10 krasavika, napisała adna z najbujniejšych haziet ZŠA Los Angeles Times.Praŭda, za asnovu byŭ uziaty artykuł u brytanskaj Daily Telegraph, zaznačaje kalifarnijskaje vydańnie.
Artykuł vyjšaŭ pad zahałoŭkam «Babior zabiŭ mužčynu, jaki chacieŭ ź im sfatahrafavacca».
«60-hadovy mužčyna ŭ Biełarusi byŭ ź siabrami na rybałcy, a kali sprabavaŭ nablizicca da babra, kab sfatahrafavacca ź im, babior napaŭ na jaho, ukusiŭšy dvojčy i razarvaŭšy arteryju».
Siabry «sprabavali nakłaści paviazku i znajści doktara ŭ susiedniaj vioscy, ale mužčyna pamior ad straty kryvi», piša vydańnie i pryvodzić šerah vypadkaŭ napadu babroŭ, jakija adbylisia apošnim časam u ZŠA.
Pra heta vypadak taksama napisaŭ amierykanski časopis Time, sa spasyłkaj na Daily Telegraph, a taksama šerah jeŭrapiejskich vydańniaŭ.