Madura pieramoh usiaho z 50,6% hałasoŭ
Pierajemnik Nikałas Madura pieramoh na vybarach u Vieniesuele. Za jaho prahałasavali 50,6%. Takija źviestki raspaŭsiudziŭ Centrvybarkam krainy.
Za kandydata ad apazicyi Enrykie Kaprylesa addali hałasy 49,1%. Pry Čavesu nikoli razryŭ miž kandydatam ad uładaŭ i apazicyi nie byŭ taki mały.
Kapryles zajaviŭ, što nie pavinšuje Madura ź pieramohaj, pakul nie adbudziecca poŭny pierapadlik hałasoŭ. Vystupajučy pierad svaimi prychilnikami, Kapryles pryvioŭ śpis parušeńniaŭ na vybarach i zajaviŭ, što na samoj spravie pieramahaje jon. Paśla minułych vybaraŭ jon pryznaŭ svaju parazu i pavinšavaŭ Čavesa telefanavańniem.
Sistema padliku hałasoŭ u Vieniesuele elektronnaja. U CVK uvachodzić i pradstaŭnik apazicyi. Na raniejšych vybarach apazicyja nie vystaŭlała pretenzij da padliku hałasoŭ. U hetym adroźnieńnie Vieniesueły ad Biełarusi, dzie padlik hałasoŭ nieprazrysty, a ŭ padlikovyja kamisii ŭvachodziać faktyčna pradstaŭniki tolki adnaho kandydata. U Vieniesuele taksama zachoŭvajecca svaboda viadzieńnia vybarčaj kampanii.
Z adnaho boku, Madura nie maje charyzmy Čavesa. Z druhoha, u krainie nabrałasia prablem, vyklikanych papulizmam Čavesa. Inflacyja — najvyšejšaja na kantyniencie. Kurs nacyjanalnaj valuty padaje. A ščodryja subsidyi — bienzin kaštuje 5 centaŭ — pryviali da dysbałansaŭ dziaržaŭnaha biudžetu. Niahledziačy na toje, što vybary byli pryznačany ŭsiaho praź miesiac paśla pachavańnia Čavesa i Madura spryjała emacyjnaja chvala, vyklikanaja śmierciu, papularnaść pierajemnika chutka ŭpała.
Navat kali apazicyi nie ŭdasca dakazać svajoj pieramohi, minimalnaja pieravaha Madura, biezumoŭna, budzie źviazvać jamu ruki, asłabić jahonuju pazicyju ŭnutry kiroŭnaj Sacyjalistyčnaj partyi. U toj ža čas adnosny pośpiech Kaprylesa dapamoža jamu zastacca lidaram apazicyi.
Jašče miesiac tamu razryŭ papularnaści miž Madura i Kaprylesam składaŭ kala 15%, u vyniku jon skaraciŭsia da 1,5%.
Dahavaryŭsia da taho, što staŭ raskazvać, niby jamu było jaŭleńnie Čavesa ŭ vyhladzie ptuški.
U vypadku asłableńnia čavistaŭ možna budzie čakać zhortvańnia
Jak stała viadoma, Centralnaja vybarčaja kamisija Vieniesueły hatovaja ažyćciavić poŭny pierapadlik hałasoŭ. «Kraina mocna palaryzavanaja, — zajaviŭ adzin z členaŭ CVK. — My ažyćciavim pierapadlik vynikaŭ hałasavańnia, kab harantavać spakoj u vieniesuelskaj siamji».