KNDR vystaviła ZŠA ŭmovy dla pieramovaŭ

Kamisija nacyjanalnaj abarony Paŭnočnaj Karei pradjaviła uładam ZŠA šerah umovaŭ, paśla vykanańnia jakich Pchieńjan pahodzicca na pieramovy. U ich lik uvachodziać admiena sankcyj AAN suprać KNDR i admova ad sumiesnych vajennych vučeńniaŭ ZŠA i Paŭdniovaj Karei.

«Pa-pieršaje, rezalucyi z sankcyjami Rady Biaśpieki AAN, sfabrykavanyja pa niespraviadlivych pryčynach, pavinny być admienienyja», — havorycca ŭ paviedamleńni aficyjnaha infarmahienctva krainy CTAK.

Raniej ułady ZŠA prapanavali kiraŭnictvu Paŭnočnaj Karei sieści za stoł pieramovaŭ pry ŭmovie, što KNDR spynić raspracoŭku jadziernaj zbroi.

Paŭnočnaja Kareja ŭ apošnija tydni nieadnarazova vystupała z pahrozaj nanieści jadzierny ŭdar, i isnujuć aściarohi, što Pchieńjan rychtujecca da zapusku balistyčnaj rakiety.

Kamientary da artykuła