Siezon fantanaŭ adkryjecca ŭ Minsku 30 krasavika
Pra heta paviedamiŭ namieśnik načalnika techničnaha adździeła UP «Minskzielanbud» Vasil Łufierčyk.
«Padrychtoŭka fantanaŭ da siezonu pravodzicca ŭ napružanym režymie, umovy nadvorja pieraškodzili pačać raboty raniej. Rasčystka ŭžo pačałasia, ŭstaloŭvajucca pompy, -- skazaŭ Łufierčyk. — Čakajecca, što siezon fantanaŭ adkryjecca 30 krasavika».
Vasil Łufierčyk taksama adznačyŭ, što ciapier viadziecca rekanstrukcyja fantana «Kupalle» ŭ parku imia Janki Kupały. «Usio nieabchodnaje abstalavańnie zakuplena, zastałosia tolki jaho ŭstalavać. Abnoŭleny fantan paraduje žycharoŭ i haściej stalicy ŭžo ŭ hetym siezonie», - rastłumačyŭ jon.
Budzie rekanstrujavany i fantan «Chłopčyk ź lebiedziem» u Alaksandraŭskim skviery.