«Biełaruskamoŭnuju rekłamu zamaŭlajuć «mocnyja» brendy»
Fiestyval biełaruskamoŭnaj rekłamy AD.NAK!, adna z samych stylovych padziej u biełaruskaj kultury, startuje 25 krasavika.
Kiraŭnik internet-partała Marketing.by Siarhiej Skarachod i kaardynatar kampanii «Budźma biełarusami!» Nina Šydłoŭskaja. Fota Alaksandra Ždanoviča, budzma.org.
Supracoŭnik adździeła kultury pasolstva Italii ŭ Biełarusi Džuzepe Boska. Fota Alaksandra Ždanoviča, budzma.org.
Na pres-kanfierencyi. Fota Alaksandra Ždanoviča, budzma.org.
Łahatyp sioletniaha festu.
Sioleta fest prachodzić pad devizam «Uklučy vyklučnaść!» i pry padtrymcy italjanskaj ambasady.
Cikavaść da biełaruskamoŭnaj rekłamy praciahvaje raści — za try hady isnavańnia festu, kolkaść zajavak vyrasła sa 100 da 300, a kolkaść udzielnikaŭ — udvaja. Pa słovach Niny Šydłoŭskaj, kaardynatara kampanii «Budźma biełarusami!», meta festu zastajecca niaźmiennaj: pašyryć užyvańnie biełaruskaj movy ŭ rekłamie, a taksama zrazumieć jaje pierśpiektyvy.
«Najčaściej biełaruskamoŭnuju rekłamu zamaŭlajuć “mocnyja brendy” kštałtu Hyundai. — kaža tvorčy dyrektar hrupy kampanij TDI Group Siarhiej Fłazapovič. — Biełaruskaja mova dapamahaje vyłučyć ich rekłamu z ahulnaha “rekłamnaha šumu”, zrabić admietnaj. Takim čynam tyja, chto zamaŭlaje biełaruskamoŭnuju rekłamu, mohuć adrazu stać u adzin šerah z mocnymi brendami, jak, naprykład Velcom albo bujnyja banki».
Sioleta fest padtrymaje italjanskaja ambsada — pradstaŭnik jaje adździeła kultury Džuzepe Boska kaža, što tym samym ambasada imkniecca padtrymać nie tolki rekłamu, ale i movu.
«Uvohule, rekłama jak biźnies i jak mastactva italjancam vielmi blizkaja. — kaža spadar Boska. — Časam rekłamnyja roliki — heta samaje cikavaje, što možna ŭbačyć na telebačańni ŭ Italii».
Z admysłovymi majstar-kłasami AD.NAK! naviedajuć zamiežniki — uładalniki «Kanskich lvoŭ» Alesandra Sabini i Kuanta Šymizu.
Hałoŭny fiestyvalny dzień projdzie 27 červienia, paŭdzielničać u feście moža kožny žadajučy, dasłaŭšy svaje pracy da 3 červienia na skryniu adnak@budzma.org.