Niezaležny Pieršamaj u Minsku nie dazvoleny

26.04.2013 / 14:29

Staršynia Biełaruskaha kanhresa demakratyčnych prafsajuzaŭ (BKDP) Alaksandr Jarašuk paviedamiŭ, što prafcentr źviartaŭsia da staličnych uładaŭ z prośbaj dazvolić praviadzieńnie mitynhu ŭ parku imia 50-hodździa Vialikaha Kastryčnika.

Z telefonnaj razmovy z načalnikam adździeła hramadska-masavaj pracy Minharvykankama Juryjem Uralskim 25 krasavika lidar BKDP daviedaŭsia: adkaz vykankama ŭžo vysłany i ŭ im adznačajecca, što «1 maja va ŭsich piaci parkavych zonach Minska buduć pravodzicca aficyjnyja masavyja hulańni, tamu pravodzić niejkija dadatkovyja mierapryjemstvy niemetazhodna».

Pavodle słoŭ Jarašuka, niezaležny prafcentr nie ździviŭsia takomu rašeńniu staličnych uładaŭ, bo apošnija try hady jamu admaŭlali ŭ praviadzieńni masavych mierapryjemstvaŭ na 1 maja. Jarašuk padkreśliŭ, što pryniata rašeńnie adznačyć pieršamajskaje śviata pa miescach raźmiaščeńnia prafsajuznych arhanizacyj BKDP u rehijonach Biełarusi, dzie ŭdasca atrymać dazvoł miascovych uładaŭ. «Jak praviła, u rehijonach našym arhanizacyjam dazvalajuć pravodzić masavyja mierapryjemstvy ŭ hety dzień», — dadaŭ jon.

Dakumientalnuju admovu Minharvykankama 26 krasavika atrymaŭ prafsajuz radyjoelektronnaj pramysłovaści (REP), jaki płanavaŭ pravieści 1 maja mitynh u parku Družby Narodaŭ (płošča Banhałor).

Staršynia prafsajuza REP Hienadź Fiadynič skazaŭ BiełaPAN, što «ŭ parku Družby Narodaŭ u adpaviednaści z rašeńniem haradskich uładaŭ budzie pravodzicca masavaje hulańnie z kancertnaj prahramaj». «Uličvajučy heta, nam nie dazvolena arhanizavać mitynh», — adznačyŭ jon.

«U Minsku nie tak šmat miescaŭ, dzie možna pravieści alternatyŭny mitynh, i mienavita ŭ hetych miescach uładam treba abaviazkova štości naładzić. Što ž, my schodzim i pahladzim, što tam za kancert i dla kaho jany jaho arhanizujuć», — adznačyŭ Fiadynič, dadaŭšy, što prafsajuz nie stanie pravodzić mitynh nasupierak zabaronie, kab «nie padstaŭlać ludziej».

Pakazalna, što Fiederacyja prafsajuzaŭ Biełarusi (FPB) 1 maja pravodzić mitynh i kancert z nahody Dnia pracy ŭ staličnym parku imia Janki Kupały.

Jak paviedamili BiełaPAN u Minskim abłasnym abjadnańni prafsajuzaŭ FPB, zbor pačniecca ŭ 10.00, mitynh — u 10.30, a śviatočny kancert adbudziecca z 12.00 da 16.00.

Haradskija ŭłady nie dazvolili pravieści 1 maja mitynh u abaronu pravoŭ pracoŭnych i levym partyjam Biełarusi. Zajaŭku na akcyju ŭ parku imia 50-hodździa Kastryčnika padavali Biełaruskaja partyja «Zialonyja» (BPZ),Biełaruskaja partyja levych «Spraviadlivy śviet», Biełaruskaja sacyjał-demakratyčnaja partyja «Hramada» i arhkamitet pa stvareńni Biełaruskaj partyi pracy. Jak raskazaŭ NN zajaŭnik ad BSDP "Hramada" Anatol Sidarevič, u aficyjnym adkazie Minharvykankama paviedamlajecca, što ŭ parku buduć u toj čas prachodzić narodnyja hulańni.

Čytajcie taksama:

Kamientary da artykuła