84-hadovaja babula z katami i sabakami žyvie na haryščy zatoplenaj chaty
U Homieli ŭ Račnym zavułku ŭžo tydzień žyvie na haryščy stareńkaj chaciny 84-hadovaja pensijanerka Lidzija Žaryna. Tut jana ratujecca z katami j sabakami ad vialikaj pavodki, jakaja zaliła zvyš sotni pryvatnych damoŭ u mikrarajonie Manastyrok.
Žyćciovaja prastora chvoraj na nohi pensijanerki Lidzii Žarynaj abmiežavana ciapier nizkim haryščam, dzie na piasku lažyć matrasik, kab paspać i adpačyć, i dacham prybudoŭki — na paŭtara dziasiatka kvadratnych metraŭ. Taki impravizavany balkon biez anijakaj aharodžy. Vakoł — damy ŭ hłybokaj vadzie.
Babula Lida paviedamiła, što pensiju jana atrymaje 9 traŭnia, a susied Michaś — tolki 11-ha. A hrošy ŭžo skončylisia. Aprača taho, u Michasia niama pašparta — jaho zabraŭ susied za toje, što pensijaner łodkaj vypadkova zrabiŭ drapinu na płocie z metaličnaha profilu. Za škodu susied patrabuje miljon.