Masavaje zatrymańnie chadekaŭ u Bieraści
abnoŭlena 22.45
U pamiaškańnie, dzie prachodziła sustreča Arhkamitetu Biełaruskaj chryścijanskaj demakratyi, uvarvalisia milicyjanty i aryštavali ŭsich prysutnych, spasyłajučysia na toje, što, pavodle infarmacyi, u pamiaškańni adbyvajecca schod viadomaj bandyckaj hrupoŭki..
U horadzie nad Buham zatrymali niekalki dziasiatkaŭ schodu BCHD. Ich paličyli viadomaj bandyckaj hrupoŭkaj.
Prykładna a 16.30 u pamiaškańnie, dzie prachodziła sustreča Arhkamitetu Biełaruskaj chryścijanskaj demakratyi, uvarvalisia milicyjanty i aryštavali ŭsich prysutnych, spasyłajučysia na toje, što, pavodle infarmacyi, u pamiaškańni adbyvajecca schod viadomaj bandyckaj hrupoŭki.
Adrazu ž paśla hetaha milicyjanty litaralna zahruzili ŭsich prysutnych (kala 40 čałaviek) u milicejskija mašyny j dastavili ŭ Saviecki RAUS Bieraścia. Ciapier u zatrymanych biaruć tłumačeńni. Paŭła Sieviarynca, jaki taksama ŭdzielničaŭ u schodzie, milicejskaje kiraŭnictva prymusiła zastacca ŭ pamiaškańni, dzie adbyvaŭsia schod, kab prysutničać pry pieratrusie. Kali Pavał sprabavaŭ stelefanavacca z žurnalistami, namieśnik načalnika RUUS Ściapanaŭ zabraŭ u palityka telefon.
* * *
Na zatrymanych u Bieraści prychilnikaŭ arhkamitetu BCHD składajuć pratakoły za ŭdzieł u masavym niesankcyjanavanym mierapryjemstvie. Pra heta Chryścijanskamu pravaabarončamu domu paviedamiŭ Andrej Lubiančuk.
Varta adznačyć, što sustreča adbyvałasia ŭ pamiaškańni bieraściejskaj ŭpravy Partyi BNF i była ŭzhodnienaja z kiraŭnictvam arhanizacyi.