U Polščy prachodziać Dni kultury Biełarusi

Dni kultury Biełarusi adkryvajucca 13 maja ŭ Varšavie. Kulturnaja akcyja pravodzicca pry padtrymcy biełaruskaha pasolstva ŭ Polščy, ministerstva kultury Biełarusi i Biełaruskaha hramadska-kulturnaha tavarystva ŭ Biełastoku.

Jak paviedamlaje pres-słužba biełaruskaha pasolstva ŭ Polščy, prezientacyja biełaruskaj kultury pačniecca z vystupleńnia Nacyjanalnaha akademičnaha arkiestra imia Iosifa Žynoviča ŭ varšaŭskaj Nacyjanalnaj fiłarmonii.

Biełaruski ansambl «Kupalinka» 16 maja vystupić u Hožuvie Vielkapolskim, 17 maja — u Łodzi. Estradny simfaničny arkiestr Universtar Biełaruskaha dziaržaŭnaha ŭniviersiteta kultury i mastactvaŭ 26 maja pradstavić kancertnuju prahramu ŭ Bałtyjskaj fiłarmonii imia Frederyka Šapena (Hdańsk).

Vystavy vyjaŭlenčaha mastactva sučasnych biełaruskich mastakoŭ adkryjucca 23 maja ŭ Sopacie, a paśla 4 červienia — u Žešuvie, 24 červienia — u Bytamie.

Prezientacyi Mirskaha i Niaśvižskaha zamkaŭ adbuducca 27–28 maja ŭ varšaŭskim bataničnym sadzie.

26 červienia ŭ stalicy Padlaskaha vajavodstva Biełastoka projdzie XXVIII Śviata biełaruskaj kultury. Dni kultury Biełarusi zavieršacca vystupleńniami Biełaruskaha dziaržaŭnaha ansambla «Pieśniary», jakija 2 lipienia paznajomiać sa svajoj tvorčaściu žycharoŭ Varšavy i Sopata, a 6 lipienia — haściej śviata «Kupalle» ŭ Biełaviežy razam z ansamblem «Kupalinka».

Kamientary da artykuła