Startavała kampanija papularyzacyi nacyjanalnaj simvoliki

U kampanii ŭdzielničaje i śpiavak Źmicier Vajciuškievič (druhi sprava).

14 maja, u hadavinu Haniebnaha refierendumu 1995 hoda ŭ Biełarusi startavała kampanija ŭ padtrymku bieł-čyrvona-biełaha ściaha i hierba Pahonia. Jak paviedamlajecca ŭ pres-relizie arhanizataraŭ, aktyvistami kampanii stali pradstaŭniki niekalkich supołak: «Art-siadziba», «Rok-salidarnaść», BMAgroup.

Moładź pačała kampaniju z razdačy značkaŭ z «Pahoniaj» i dyskaŭ ź biełaruskaj muzykaj na vulicach Minska.

U miežach kampanii ŭ kancy maja vyjdzie dysk «Simvały viery i svabody» ź pieśniami, pryśviečanymi nacyjanalnaj symbolicy. U dysk uvojduć pieśni samych roznych vykanaŭcaŭ — ad «Pieśniaroŭ» z «Vierasami» da Źmitra Vajciuškieviča dy hurtu «Čyrvonym pa biełym», jakija pryśviečanyja nacyjanalnym histaryčnym simvałam.

Dysk «Simvały viery i svabody» budzie razasłany deputatam i inšym dziaržaŭnym čynoŭnikam. U planach inicyjatyvy taksama zbor podpisaŭ za nadańnie bieł-čyrvona-biełamu ściahu statusa dziaržaŭnaj kaštoŭnaści.

Kali vy žadajecie dałučycca da kampanii ci prapanavać pieśni dla składanki «Simvały viery i svabody», pišycie na e-mail: skladanki@tut.by.

Kamientary da artykuła