Pamior mastak, siabra supołki «Pahonia» Uładzimir Sułkoŭski

Pra heta paviedamlajuć siabry mastaka ŭ fejsbuku.

Sułkoŭskamu było 63 hady. Pryčynaj śmierci — stała ankałohija, ź jakoj jon zmahaŭsia apošni hod. Miedyki nie adrazu pastavili słušny dyjahnaz.

Uładzimir Sułkoŭski naradziŭsia ŭ Breście ŭ 1950 hodzie. Ale dziacinstva prajšło ŭ vioscy, dzie jaho vychoŭvali babula i dziadula. Paleśsie, jaho žychary i stali falkłor i histaryčnaja spadčyna stali viadučymi temami ŭsioj tvorčaści.

U 1974 hodzie Sułkoŭski z adznakaj skončyŭ Biełaruski teatralna-mastacki instytut pa śpiecyjalnaści «Žyvapis». Z 1974 da 1981 pracavaŭ u jakaści vykładčyka ŭ Respublikanskaj škole-internacie pa muzycy i vyjaŭlenčamu mastactvu. Ad 1981 hoda siabra Biełaruskaha sajuza mastakoŭ.

Tvory Sułkoŭskaha zachoŭvajucca ŭ Nacyjanalnym mastackim muziei Biełarusi, Dziaržaŭnym muziei sučasnaha mastactva, muziejnych zborach našaj krainy, Rasii, Ukrainy, Polščy.

Sułkoŭski byŭ siabram tvorčaj supołki «Pahonia». Letaś u Minsku ŭ Pałacy mastactvaŭ prajšła jahonaja vialikaja piersanalnaja vystava.

Sułkoŭski byŭ nie tolki znanym piejzažystam, ale i partretystam. Stvaryŭ partrety Kastusia Kalinoŭskaha, Ryhora Baradulina, Janki Kupały, Jakuba Kołasa, Vincenta Dunina-Marcinkieviča i inšych.

Kamientary da artykuła