+1: Na volu paśla 12-sutkavaha aryštu vyjšaŭ žurnalist Alaksandr Jaraševič
Jaho pryjšli sustrakać bolš za 20 čałaviek, siarod jakich kalehi z Radyjo Racyja, žurnalist Dźmitryj Hałko, pravaabaronca Valancin Stefanovič, pradstaŭniki kampanii «Havary praŭdu» Andrej Dźmitryjeŭ i Siarhiej Vaźniak, pres-sakratar BAŽ Barys Harecki, žonka palitviaźnia Paŭła Vinahradava Śviatłana dy inšyja.
Pierad vyzvaleńniem da Alaksandra Jaraševiča prychodziŭ načalnik turmy na Akreccina i papiaredziŭ jaho, kab nie było łozunhaŭ i simvoliki.
Razam sa svaim kalehaj Dźmitryjem Hałko jon byŭ zatrymany ŭviečary 6 maja.
Žurnalistaŭ dastavili ŭ milicyju, dzie skłali pratakoły. Ich źvinavacili ŭ chulihanstvie i niepadparadkavańni supracoŭnikam milicyi. Hałko byŭ asudžany na 10 sutak aryštu, a Jaraševič na 12. Taksama Jaraševič, nahadajem, byŭ zatrymany 26 krasavika paśla «Čarnobylskaha šlachu» i pravioŭ za kratami troje sutak.