Kalij nam dapamoža
Vyhadnaja kanjunktura na suśvietnym rynku vyvodzić Biełaruskuju kalijnuju kampaniju ŭ lidery pa papaŭnieńni biudžetu valutaj.
Dziakujučy vyhadnaj kanjuktury na suśvietnym kalijnym rynku «Biełaruśkalij» moža atrymać u biahučym hodzie prybytak ad ekspartu ŭ pamiery $140—200 młn. Pra heta ŭ interviju hazecie «Biełorusy i rynok» paviedamiŭ hiendyrektar Biełaruskaj kalijnaj kampanii Ŭładzimier Nikałajenka. Pa jaho słovach, zaŭvažny rost prybytkaŭ staŭ mahčymy nia tolki dziakujučy spryjalnym koštam na suśvietnym rynku, ale j praz samo ŭtvareńnie BKK i adchileńnie pasiarednikaŭ.
Vialikuju cikavaść da supracoŭnictva ź Biełarusiaj u sfery vytvorčaści kalijnych uhnajeńniaŭ vyjaŭlaje Indyja. Hetaja kraina impartuje štohod da 4 młn. t. uhnajeńniaŭ, ź Biełarusi ŭ tym liku 1,2 młn. t. U chutkim časie jana planuje padvoić abjom impartu.
Pasoł Indyi ŭ Biełarusi Radžendra Kumar Ćjahi zajaviŭ pra hatovaść jaho krainy investavać pabudovu ŭ našaj krainie piaci novych šachtaŭ na ahulnuju sumu ŭkładańniaŭ da $12 młrd. Eksperty, adnak, papiaredžvajuć, što ŭ vypadku zadziejničańnia takoj kolkaści novych šachtaŭ, moža ŭźniknuć prablema pieravytvorčaści i adpaviedna niepaźbiežnaha padzieńnia koštaŭ.
Na siońnia menedžery BKK robiać staŭku na zabieśpiačeńnie rostu cenaŭ na pradukcyju, a nie fizyčnych abjomaŭ ekspartu. Vyhadnaja kanjuktura na suśvietnym rynku robić słušnaj takuju stratehiju.
Asnoŭnym ruchavikom popytu na kalijnyja ŭhnajeńni źjaŭlajecca imklivaje raźvićcio technalohijaŭ vytvorčaści bijapaliva, u jakaści syraviny dla jakoha vykarystoŭvajucca sielhaskultury.
Biełaruskaja kalijnaja kampanija była ŭtvoranaja ŭ śniežni 2005. U jaje skład na parytetnych umovach uvachodziać RUP VA «Biełaruśkalij» i AAT «Urałkalij». Abjom vytvorčaści kalijnych uhnajeńniaŭ składaje 8,15 młn t. U planach pavieličeńnie abjomaŭ vytvorčaści da 2012 h. da 9,65 młn t.
Na siońnia kampanija znachodzicca ŭ suśvietnych liderach, zajmajučy 30 % suśvietnaha rynku pastavak kalijnych uhnajeńniaŭ. Maje 5 pradstaŭnictvaŭ: u Piekinie, Ńju-Deli, San-Paŭłu, Čykaha, Synhapury. Eŭrapejski rynak zabiaśpiečvajecca ź Miensku, dzie mieścicca štab-kvatera BKK. Pradukcyja kampanii hruzicca ŭ partach Kłajpedy (Litva), Ventśpiłs (Łatvija), Mikałajeŭ (Ukraina).