U Biełaruś pryjedzie prezydent Mižnarodnaj federacyi pravoŭ čałavieka

Ale vizyt Suchajr Bełchasen budzie mieć pryvatny charaktar.

Na kastryčnik zapłanavany vizit u Biełaruś prezidenta Mižnarodnaj fiederacyi pravoŭ čałavieka Suchajr Biełchasien.

U intervju BiełaPAN pravaabaronca Valancin Stefanovič paviedamiŭ, što vizit, chutčej za ŭsio, budzie nasić pryvatny charaktar i mieć na mecie abmierkavańnie prablemy dziejnaści ŭ Biełarusi niaŭradavych arhanizacyj.

«Pryjezd Biełchasien u Biełaruś mienavita ŭ kastryčniku vielmi važny, — skazaŭ V.Stefanovič. — 14 kastryčnika ŭ Minsku pavinna prajści akcyja «Jeŭrapiejski marš», jakaja ŭklučaje praviadzieńnie šeścia i mitynhu. U nas jość vialikija padazreńni, što padčas jaje padrychtoŭki i praviadzieńnia ŭłady buduć pravodzić nieabhruntavanyja zatrymańni demakratyčnych aktyvistaŭ. Mižnarodny pravaabaronca asabista aznajomiłasia b z realnym stanoviščam z pravami čałavieka ŭ Biełarusi».

V.Stefanovič taksama paviedamiŭ, što 21 žniŭnia padčas asabistaha pryjomu biełaruskich pravaabaroncaŭ pieršy namieśnik ministra justycyi Alaksandr Pietraš byŭ prainfarmavany ab žadańni S.Biełchasien sustrecca z pradstaŭnikami ministerstva.

Kamientary da artykuła