Atlantic: dačka prezidenta Uźbiekistana asabista abmiarkoŭvała chabary z TeliaSonera
Dačka prezidenta Uźbiekistana Hulnara Karymava asabista abmiarkoŭvała chabar sa šviedskaj telekamunikacyjnaj kampanijaj TeliaSonera, piša The Atlantic. Pra heta śviedčać dakumienty, jakija trapili da šviedskich žurnalistaŭ.
Vyśvietliłasia, što ŭ šviedskaha apieratara patrabavali bujnyja sumy za padtrymku z boku dziaržaŭnych ahienctvaŭ i za pryciahnieńnie novych klijentaŭ, pryčym ŭmovy pieramovaŭ dyktavała asabista Karymava, adznačajecca ŭ artykule.
Zaraz hrupa mierkavanych saŭdzielnikaŭ dački ŭźbiekskaha prezidenta prachodzić pa šviedska-šviejcarskaj spravie ab chabarnictvie i admyvańni hrošaj. Akramia taho, šviedskija prakurory zaviali spravu ab chabarnictvie ŭ dačynieńni da šerahu supracoŭnikaŭ TeliaSonera.
Zhodna z znojdzienymi dakumientami, apieratar TeliaSonera płaciŭ chabar da leta 2012 hoda. Miarkujecca, što papiery byli napisanyja asobaj z akružeńnia Karymavaj, a sama jana zrabiła na palach rukapisnyja kamientary.
Vydańnie adznačaje, što sapraŭdnaść pradstaŭlenych dakumientaŭ paćvierdzić niezaležnym šlacham nielha. 20 maja kampanija TeliaSonera znoŭ adprečyła infarmacyju ab viadzieńni jakich-niebudź biźnies-pieramovaŭ z Karymavaj.