Razbojny napad na mašynu ŭ Biarezinskim rajonie: kiroŭca paranieny

U Biarezinskim rajonie (Minskaja vobłaść) złačynca napaŭ sa zbrojaj na kiroŭcu mašyny.

Prykładna a 15 hadzinie ŭ Biarezinski RAUS źviarnuŭsia 37-hadovy minčanin — kiroŭca «Subaru». Jon raspavioŭ, što padvoziŭ čałavieka, jaki ŭ 14.50 pablizu vioski Pryborki pahražajučy dvuma pradmietami, padobnymi na pistalety, sprabavaŭ zachapić mašynu.

Atrymaŭšy admovu, złačynca niekalki raz streliŭ, čym nanios kiroŭcu ranieńni ruki i nahi, paśla čaho źbieh u les.

Padazreńni va ŭčynieńni złačynstva zatrymany. Im apynuŭsia raniej sudzimy za chulihanstva 51-hadovy žychar Białyničaŭ, indyvidualny pradprymalnik.

Kamientary da artykuła