Bankam hoda — 2012 staŭ «Ideja Bank»

U Minsku 29 maja ŭpieršyniu prajšła cyrymonija ŭznaharodžańnia pieramožcaŭ premii ŭ śfiery bankaŭskich pasłuh i technałohij «Bank hoda Biełarusi». Arhanizataram konkursu vystupiŭ partał tut.by.

Jak zajaviła na cyrymonii kiraŭnik prajekta «Finansy TUT.BY» Maryja Sałodkaja, «premija „Bank hoda Biełarusi“ — važnaja i ŭnikalnaja padzieja sioleta na rynku bankaŭskich pasłuh». «Konkursnyja naminacyi ŭličvali nie tolki finansavyja dasiahnieńni, pośpiechi ŭ rekłamie ci ŭ pracy z klijentami, ale i stvaralnuju siłu kožnaha śpiecyjalista banka: ad načalnika da radavoha apieracyjanista», — padkreśliła jana.

U žury konkursu byli viadučyja ekśpierty ŭ śfiery finansaŭ, rekłamy i markietynhu, a taksama sotni tysiač karystalnikaŭ biełaruskaha partała tut.by. Pieramožcy vyznačalisia ŭ 12 pryzavych naminacyjach.

Hran-pry konkursu i zvańnie «Lepšy bank 2012 hoda» atrymaŭ ZAT «Ideja Bank». Pryz karystalnickich simpatyj («Narodnaja premija») uručany AAT «Biełahraprambank».

Pieramožcami taksama stali: u naminacyi «Rekłamnaja kampanija hoda. Lepšyja idei, vykarystanyja bankami ŭ svajoj rekłamie» — ZAT «MTBank», u naminacyi «Samaja abajalnaja supracoŭnica» — Hanna Vatyl z AAT «Technabank», «Brendbuk hoda / Bankaŭski karparatyŭny styl hoda» — AAT «Bank BiełZEB», «Piersona hoda ŭ ŚMI» — staršynia praŭleńnia ZAT «MTBank» Andrej Žyškievič, «Lepšy sajt» — sajt AAT «Bank BiełZEB», «Lepšaja sistema «Internet-bankinh» — AAT «Biełhazprambank», «Lepšy bank dla karparatyŭnych klijentaŭ» — ZAT «Alfa-Bank», «Samy vyhadny spažyvieckich kredyt» i «Samy vyhadny doŭhaterminovy ŭkład» — AAT «Bielinviestbank», «Samy vyhadny karotkaterminovy ŭkład» — ZAT «Ideja Bank» .

Arhanizatary zapeŭnili, što heta premija stanie tradycyjnaj.

Kamientary da artykuła