Premjera Litvy prosiać viarnuć stary paradak kantrolu na miažy
Biełarusy skardziacca, što na vakzale ŭ Vilni davodzicca hadzinu stajać u čarzie dla prachodžańnia pašpartnaha kantrolu.
Lidary Abjadnanaj hramadzianskaj partyi, BCHD i partyi «Spraviadlivy śviet» padrychtavali zvarot na imia premjer-ministra Litvy Alhirdasa Butkiavičusa.
Jak patłumačyŭ pres-słužbie AHP Anatol Labiedźka, «heta pradyktavana intaresami hramadzian Biełarusi, jakija vyjazdžajuć u Litvu čyhunkaj.Novyja mytnyja i vizavyja pracedury stvarajuć masu niazručnaściaŭ i składanaściaŭ dla ludziej. Urad Litvy pavinien pracavać pa formule SUP - spraščać, udaskanalvać, palapšać, ale na praktycy atrymlivajecca ŭsio naadvarot. My prapanujem albo viarnucca da staroj praktyki, albo maksimalna źnizić usie niehatyŭnyja vydatki novych pracedur».
Užo ŭ čaćvier zvarot budzie pieradadzieny va ŭrad Litvy.
Nahadajem, z 26 maja ciahniki z Mmnska ŭ Vilniu kursujuć pavodle novych pravił. Čas ruchu ciahnika skaraciŭsia z 3 da 2,5 hadzin. Ciapier litoŭskija pamiežniki dahladajuć pasažyraŭ nie ŭ ciahniku, a pa prybyćci na vilenski vakzał. Tamu zekanomleny ŭ darozie čas davodzicca marnavać u čarzie ŭ punkcie dahladu. Pavodle vodhukaŭ pasažyraŭ, u čerhach časam davodzicca stajać blizu hadziny. I na zvarotnym šlachu ź Vilni ŭ Miensk na vakzał davodzicca, jak u aeraporcie, prychodzić zahadzia. Rehistracyja pačynajecca za dźvie hadziny i zakančvajecca za 10 chvilin da adpraŭleńnia ciahnika.